العماري: مجلس الجهة سيعمل على محاربة كل أشكال الهشاشة والإقصاء

هاد الكلام ماشي غريب علينا، المساهمة في ارساء الجهوية المتقدمة، تحقيق الأهداف التنموية،تنفيذ احكام دستور 2011، محاربة كل أشكال الهشاشة والإقصاء...
هادا ماشي كلام ديالك اسي إلياس ، هادا كلام كتبوه ليك اوحفظتيه مزيان.
انا عارف غاطعتيو الأهمية لتنمية ، ولكن كيفاش : غاتزيدو فالشركات ديالكم ، غاتوضفو الأقطاب المالية لكبيرة ، ليعندو غاتزيدولو ، ميدان العقار غيولّي كولشي ديالكم كيما هو فالحسيمة ، الملاحة البحرية غاتشدوها نتوما ، كوماريت او كوماناف شكون ليسيزاها والله ماعرفنا . التجارة الداخلية اوالخارجية ايشدوها موالين النعمة ديالكم، غاتعطيو الأهمية للسياحة نعم هادشي باين حيت الجهة لشديتو من أفضل الجهات سياحيا، ولكن كيفاش غاتستولو على الاراضي ديال الشعب المقهور بأبخس الأثمان غدّمروا المجال الغابوي ، غاتجلبو الشركات من بارّا غاتبيعوا ليهم الشواطئ كاملة ، ماكاين لا سياحة جبلية ولا قروية غايكون غير السياحة الجنسية ،
بالنسبة للبوادي والقرى، عجبني هاد لكلام " تجويد الخدمات المقدمة للعالم القروي" اش غاتجودو. اسي إلياس الله ارحم الوالدين! اشنو بقا فالعالم القروي اتجود بالله عليك ، اشنو غاديرو مثلا فشقران اويتجود اشنو غاديرو تماسينت اويتجود اشنو غاديرو بني عبد الله اشنو غاديرو بني عمارت..... غاديرو ليهم الزليج او مارمو ولا ، ياك السكان مساكن مهجّرين كاملين ، كاين شي دشورا بعدا بقاو فيهم غير إوسّورا دايرين الصف كايستنّاو الموت،
بالنسبة للفلاحة لي متكلمتيش عليها كاع اسي إلياس ، الله احسن عاون اوخلاص، الريف شحال هادي كان مكتفي ذاتيا بداكشي لكينتج محليا اوسبحان الله لعظيم ماكان لا طريق لا ما لا روبيني ، اودابا؟؟ دمروها كاملة بفعل فاعل، باش نبقاو مرهونين بالداخلية ،
يتبع،

نامل بغد أفضل.والدولة العميقة في انتضاركم

كيف تستقيم المساهمة في ارساء الجهوية المتقدمة وفي نفس الوقت تكون خاضعا لتعليمات الوالي كأحد اعمدة اعتى اجهزة المركزية،وزارة الداخلية؟ هذا كلام يتنافى مع المنطق ولا تكرره مرة اخرى،ابحث لك عن مصوغات اخرى قد تنطوي على من لا دراية لهم بالامور

لا. لا. لا ور ور يا أيتها الاصالة والمعاصرة حدك طنجة لا تزيد اكتر خربقتي الانتخابات في الشمال وخاصة في الحسيمة - لا تزيد اكتر. رشحتي السماسرة والشمكارا فاينك اليوم من الانتصارات المزعومة ؟. راكي غير كتخربق ها العجينا ها السردين ها بوكو حرام ها الفضايح واللائحة طويلة. لا لا ورور.

فهاد الجزء مغانهْدرش فالمشاكل او الأمراض ديال الريف، ولكن نهدر فالواقع نيشان اسي إلياس ، مادام شديتو البلديات اوالجماعات اوالجهة ايو دربو فالمعقول هاد المرّة وإلا غايكون الثمن غالي بزاف هاد المرًة،
ويلا نتوما فيكم الغيرة دبصّاح على إقليم الحسيمة بكل جماعاتها ادواورها ، اوعلى الريف كامل، ويلا نتوما روافا بصّاح ارْضعتوا لحليب ريفي لانتا إلياس ولا بودرا ولا بنعزوز ولا بنشماش ... اونشوفو اش غاديرو لهاد الريف ، اش غاديرو للحسيمة ليعانَتْ هادي سنين،
تستاطعو تغيرو العقلية ديال المخزن لي فالحسيمة ؟ تغيرو العقلية القمعية لكاتمشّا به الكوميسارية او الأمن بصفة عامة ؟ تستاطعوا تخليو المواطن الريف ايحس بالحرية اوبالأمن؟ هاواحد.
جوج : في مقدوركم تغيروا الواقع ديال مستشفى محمد الخامس جملة وتفصيلا ؟ تستاطعوا تبنيوا صبيطارات اخرى بالمعاير الحديثة ؟
تلاتا : تقدروا زعما تغيروا العقلية ديال المحسوبية او الزبونية فلخدايم اوتوقفوا الزحف ديال البرّاني ليشادين كولشي فالحسيمة لا فالإدارات ولا المؤسسات فالموانئ فالمطار ..... اوتقولولهم اراه الأولوية لولد لبلاد الأول؟
ربْعا : تقدروا تبنيوا المعامل بحال ليداروا قرانكم فالداخلية ؟ العائق ديال الطرقان اراه مابقاش دابا ! المال اراه عندكم " رعْناصا" ديال لفلوس ، ولا بلا مديرو نتوما شخصيا غير خلّيوا المستثمرين ايديروا ، تقدرو تْأثروا على أصحاب القرار دبصّاح باش ارخصوا ليكم ؟ الولاية الداخلية المخزن العميق المخابرات ...؟؟
المساحات ديال المناطق الصناعية اراها دالعة فاالإقليم ديالنا ، تخدموا الشباب اوالفتيات ديال الريف اراهم ماشي بزاف ، قلالين ماشي بحال طنجة ولا الدار البيضاء، " أخْسَنْ ندْقِدّمْ" .
خمْسَ : تقدروا توسعو فالمطار اوتخليوا الرحلات تكون طيلة السنة اوتظغتوا على لفوق منكم اوكيتحكموا فالمطارات اوكيغلّيو الضرائب على الشركات ، تقدروا تديرو بحال ليدارو قرانكم فالنظور؟ تقدرو توسعوا فالميناء أوتخليوا البواخر تجي ديما من جميع الجهات مالاغا ألميرية ... أديرو معاه ميناء تجاري إخدم " إوذان ناريف نخوم " ؟!!.
تقدرو توفروا السكن للجميع وبأثمنة مقبولة ، اومتخلّيوش الجشع ديال الشركات ليكايعرفها إلياس مزيان ايزيد إتغوّل فالحسيمة أويشرّد الناس فعاوط مايسكّنهم؟!
تقدرو ترجعوا الفلاحة كيما كانت أودعموا الفلاّحة أوتوفروا ليهم كولشي لخاصهم باش كولشي غاينتجوه لراسهم ؟
تقدرو ترجعو لريف الهيبة ديالو بهاد الشي كولشي ، تقدرو توقفوا التحكم فالريف وفي كل مفاصله من طرف المركز ؟ ليكيحسب الريف بحال الكّورنة ديالو، خربوا مخلا فيه مايتشاف.
تقدرو تعملوا هادشي كولشي ؟؟ إلا قدرتوا تعظيم سلام . إلا مقدرتوش اراه عيب اوعار تقولوا بلي نتوما روافا فيكم الدم ريفي فالعروق ديالكم، عار تقولو حنا رضعنا الحليب من الريفيات الشريفات العظيمات. ولكن قولو حنا خونة بَعنا كولشي حتا هاداك لحليب لضعناه بعناه.
حينئذ سيكون المصير والمآل حقيرا نتِناً متعفّنا ، كجيفة في واد سحيق.

أين البرنامج الانتخابي من هذا الكلام أم أنه عابر سبيل . صوتنا على برنامجكم و ليس كلام ليشبعنا منو فهمتي ولا لا ؟